Ads 468x60px

Get It Now!!!

Download Buku Palala

Buku Palala, Eksplorasi Wisata Ranah Minang Bisa didownload di Link dibawah ini : Judul Buku : Palala, Eksplorasi Wisata Ranah...

15 Agt 2014

Si Gadang Ota

Tu tema nan ka Ambo share ka sanak untuak kesempatan kali ko. lameh se kalo lah bakawan jo urang gadang ota ko sanak. wuizzz... kalo danganyo bacarito bantuak ka iyo se sadonyo... bisa ikolah, bisa itulah, kenal samo ikolah, kalo ado urang nan punyo jabatan, langsuang basabuikan "tu sanak awak ma" oalah... yo makin parah dunia kiniko. sukur- sukur urang yang dikecekan saudaranyo tu maagiah respon nan elok. ko indak nyo malah batanyo, sia paja tadi tu??? hahah sakik paruik Ambo:)

Si Tuah pai mancari rantiang
Sambia baladang ditapi Kota
Gayanyo labiah Bantuak nan ka santiang
Kironyo paja sigadang ota

Kalo dipikia-pikia lucu tapi kabaalah, itu lo mode manusia nan ciekko. mungkin itu lo kebanggaan yang ado pado dirinyo. hauih akan pujian, dek inyo bisa kenal jo urang-urang gadang. jan sampe heran pulo, biasonyo manusia nan tipenyo bantuak iko suko pulo maambiak muko. Tapi pasan ambo elok-elok se... beko taambiak lo muko baruak hahahha ;)

Urang gadang ota ko lai lo ciri-cirinyo ma sanak. ndak buronan nan ado di tayangan kriminal se nan baciri-ciri do. Co awak caliak baa ciri-cirinyo :

  • Banyak carito, ntah citoe batua ntah indak yang penting nyo carito. nah kalo nyo mamuji urang bakalabiahan biasonyo sanak (pandai manjilek) lebih tepatnyo. hmmmm batuakan sanak? apo nan ambo singguang diawal tadi.
  • Mandominasi carito, kalo nyolah carito awakko ndak bakal dianggap. Saketek-saketek inyo, apo-apo inyo. Jan sampe heran sanak, kalo urang nan tipenyo mode ko gampang se untuak mangetekan jaso urang nan pernah mambantunyo.
  • suko malabiah-labiahan carito, iko nan agak parah stek sanak, carito ko kadang ndak paralu digadang-gadangkan, cuma kalolah sampai ka muluiknyo nan bakaleperan tu ndak ado lai, kacau sadonyo. Ancak anti bacarito jo nyo lai.
  • suko mamakai namo gadang urang lain bantuak inyo nan kagadang lo, kalo iko yo agak lucu stek sanak. kadang nyo koo ndak sia-sia, cuma dek caritonyo lah bakalabiahan, dek inyo dakek jo urang-urang gadang, seolah-olah inyololah nan kahebat. nan awak yo lah galak se mancaliak parangainyo hahah... adolah manusia mode ko :D
  • Nah... nan paliang parah point tarakhir sanak, bisa se nyo mamakai nan namonyo magic ( bantuak jimat, susuak, pengasih) untuak bisa mengendalikan dan mempengaruhi urang lain. hmmm kalo untuak nan ciek ko ambo ndak sato do.Takuik ambonyo sanak kalo lah berurusan jo dunia hitam ;)
Lah tantu sanakkann baa ciri-ciri urang gadang ota tu. pi jan sampai galau lo sanak. nyo adolo cara penangkalnyo ma. nio tauu caronyo sanak??? ko nyo ha...
  • Agiah se nyo komentar standar, dangaan se tu disetiap caritonyo salekan kato "ooo" bekonyo malu surang se lai tu, sudah tu palingannyo maubah topik caritonyo ka nan lain (Tapi kalo ndak tau malu, yo ndak dapek aka lo lai do hahah...)
  • Hati-hati se jo urang nan batipe gadang ota ko, soalnyo mudah jadi provokator. kadangnyo bacarito ndak tantu arah, tapi nan ditakuikan kalonyo mambaok namo awak untuak palamak caritonyo, baa lo kan? tujuannyo ndak lain ndak bukan untuak mencari perhatian. karena urang bantuak ko memang hauih akan parhatian.
  • kalo lah parah bana hindari se lai sanak. soalnyo nan namonyo gadang otako susah untuak dihilangkan. kalonyo berusaha barubah awak hormati. tapi kalo angek-angek ci#k ayamnyo (atau bahaso kampuang wak hot hot chicken poop) yo ancak jauahan se lai. Daripado awaklo beko nan diadunyo jo urang lain kan.
Sadoalahnyo dibaliakan ka sanak lai. Nan gadang ota ko pasti ado disekitar awak. Cuma pandai-pandai wak menghadapinyo lai. kalo tips dari ambo itunyo ;). 
Niat awalnyo untuak Pantun Minang sanak. tapilah talongsong lo tulisan ko.kabaa lai? nasilah jadi bubua yo ndak... tingga sanak agiah kuah, kacang, kecap, potongan ayam bia jadi bubua ayam hahah...

0 komentar:

Follow by Email