Ads 468x60px

Get It Now!!!

Download Buku Palala

Buku Palala, Eksplorasi Wisata Ranah Minang Bisa didownload di Link dibawah ini : Judul Buku : Palala, Eksplorasi Wisata Ranah...

8 Agt 2014

Indak Ado Rotan Akarpun Jadi

Assalamualaikum Wr. Wb...

Baa Kabanyo Sanak??? lah lamo lo rasonyo ndak mamyapo sanak pacinto Pantun Minang  disiko. lah sakik kapalo mamikian apo nan ka di share ditulisan kali ko. Cubo buka-buka twitter eh... akhirnyo sobok jo pantun-pantun lamo nan dulunyo sempat ambo share di #PantunMinang +Info Sumbar . temanyo waktu itu Indak Ado Rotan Akarpun Jadi. Diposting di tanggal 20 Februari 2014 tapeknyo hari Rabu tu sanak.

Daripado panjang bana mukadimahnyo, baa kalo bapantun se wak lai??? lah siap sanak??? mainkan...

#Pantun 1
Ikan di tabek lah mati duo
mati dibungkuih jo daun jati
Indak bana dapek basuo
Mention di retweet panyajuak hati

#Pantun 2
Masak gulai pakai asam kandih
Ladonyo banyak kuahnyo sirah
Indak dapek nan masih gadih
Jando kayopun ndak masalah (Hahaha... jan ditiru ndak sanak!!!)

#Pantun 3
Lah tigo pantun sairiang
jo iko jadinyo ampek
Indak bisa jalan bairiang
Asal bisa duduak marapek

Takana jo dek Ambo, sakiang ndak namuahnyo mato tapiciang akhirnyo sibuk mamikian pantun se karajo lai, tu nio ndak nio twitterlah jadi tampek ambo malapeh sagalo uneg-uneg.

#Pantun 4
Aia Karuah jan mamanciang
Beko dapek si ikan Puyu
Ndak namuah mato tapiciang
Tu kabaa??? masalah Buat Lu !!!

Hari lah ampia jam 12 waktu tu Sanak pi nan mato yo alun jo namuah dibao lalok, bisuaknyo harus barangkek karajo lo kan, tu akhirnyo disalasaianlah kegiatan berpantun ria ko hinggo pantun kaampek tu se. Mungkin kini itu se dulu yang bisa Ambo share, bisuak ko kalo ado kesempatan bapantun wak liak dih... heheh..

akhir kata ambo ucapkan terimakasih... kalo ado kato-kato nan salah Ambo mohon maaf dan wasalam

Note: untuak sadoalah pantun nan ado disiko sabalunya lah pernah di Publish di alamat tweet @Farhanseashell dengan menyertakan hastag #pantunminang

0 komentar:

Follow by Email